المقال بالعامية
ياااه
هو حصل ؟!
تقريبا حصل ،، نجحت ؟
مش عارفة بس غالبا آه
----
هواجس بتفضل تروح وتيجي في كل صبح من 4 ايام
( النهاردة 7 يناير وهي نزلت 3 يناير )
-------
قبل الرواية ماتنزل ، كان الخوف صديقي الوحيد ، الخوف مكانش من الفشل ومكانش من نزول الرواية ومتعجبش حد ، الخوف كان أكبر لدرجة انه مش عارفة من ايه
كالعادة في كل المقالات داخل الاجندة انا بكتب عن حياة شخصية بحتة ، وبحاول على اد ما اقدر استخرج منها عبرة وعظة ^^
الفكرة اللى استفدتها من الرواية ( بصرف النظر نجحت ولا لسه ) انه الانسان لما بيلتزم بمعاد او دافع بيقدر يعمل المستحيل
على صوت احمد منيب " وطلب القهوة وماشربهاش " باسترجع ذكرياتي القريبة من الرواية ، كل الهواجس عن البطل ( الجني ) اللى حضر ساعات كتير وانا باكتب عنه وكان بيغير في الاحداث على مزاجه ، وصوت اللوحة ، شكل التصميم ،
خيالاتي الكتيرة عن النهاية ،،
كان الدافع الوحيد هو ايماني اني اقدر اكتب رواية ، انك تتحدى نفسك شئ مش سهل لكن الانتصار فيه بيكون للاقوى ، هدفك وارادتك او نفسك وخمولك
-----
دارت حوارات كتير حوالين الرواية بيني وبين ناس كتير مقربين ، كان لكل شخصية تصور مختلف ، وكان مطلوب مني استفيد بقدر الاستطاعة من الاراء والملاحظات ، ما خاب من استشار الحقيقة .
-------
الموضوع للمرة التانية والتالتة والخامسة والستين ،، #أن_تؤمن
ايمانك بقدراتك هو اللى بيخليك تحققها ، رحمة الله على الدكتور إبراهيم الفقي .
-------
أصعب خطوة بياخدها الكاتب هي انه يخرج من شخصيته هو ويكتب عن مشاعر وكراكترات ناس تانين ، ومطلوب منه يتقمص ادوارهم وردود افعالهم تجاه الاشياء
كان اصعب تقمص هو دور نوميدوس نفسه ، التجربة كليا كانت من اروع الاشياء اللى حصلت لي .
وها هي 2014 تهديني اول نجاح على المستوى الادبي
-------
افضل تعليق بسمعه ( الرواية فتحتها وما قفلتهاش الا لما خلصت )
انك تكون مؤثر ولو بجزء بسيط في فكر شخص " متعرفوش " ده شئ ذا قيمة
في الواقع كل المقال يعتبر فضفضة شخصية عن تجربة أولى في عالم الكتابة
تجربة كانت بمثابة السحر حيث دخلت من خلالها لعالم النقاد والتقييمات والقراء وهلما جرا من تبعات الشهرة ، رسايل ، اعتراضاات
-------------------------
الموضوع مكانش سهل رغم بساطته الشديدة ، لسه بقول انها تجربه جيده انا لسه بداخلها ومستمتعه بيها وباستقبل ردود افعال الناس
--------
ممكن اقول في الاخر " الحمد لله رب العالمين "
ألف مبروك يا ياسمين وبالتوفيق ليكي إن شاء الله وفي إنتظار الرواية القادمة :)
ردحذف